ЎЗБЕКИСТОН ЕОИИГА АЪЗО БЎЛИШИНИНГ МАМЛАКАТ ЧОРВАЧИЛИГИГА ТАЪСИРИ

Евроосиё иқтисодий иттифоқига аъзо бўлиш ушбу давлатлардан чорвачилик маҳсулотларини, шунингдек, омухта ем тайёрлашда қўлланиладиган озуқабоп қўшимчалар ва оқсилга бой бўлган озуқаларни Ўзбекистонга кириб келиш оқимини кўпайиш эҳтимоли мавжуд.

Таҳлилларга кўра, ЕОИИга аъзо давлатлардаги йирик савдо дўконларида қорамол гўшти Россия Федерациясида 7,4 доллар, Беларусда 6,4 доллар, Қозоғистонда 5,3 доллар, Арманистонда 6,6 доллар ва Қирғизистонда 5,6 доллар атрофида сотилмоқда.

ЕОИИга аъзо давлатларда тирик ҳайвонларни учинчи давлатдан олиб кирилганда ва маҳаллий ишлаб чиқарилган маҳсулотларга кенг кўламда субсидиялар ажратиш орқали қўллаб-қувватлаш тизимини жорий этган. Бу эса ушбу давлатлардаги маҳаллий ишлаб чиқарувчиларни ҳимоя қилиш учун пухта замин ҳисобланади.