ҲАЙВОНЛАРНИ ТУРЛИ КАСАЛЛИКЛАРГА ҚАРШИ ЭМЛАШ ТАДБИРИ ДАВОМ ЭТМОҚДА

Фарғона вилоятида ҳайвонларни юқумли касалликларга қарши эмлаш тадбири олиб борилди. Жумладан, Қува тумани ветеринария ва чорвачиликни ривожлантириш бўлими мутахассислари томонидан худуд аҳолиси хонадонларидаги ҳайвонлар куйдирги, оқсил, қорасон, брадзот ҳамда қутуриш каби турли касалликларига қарши эмланди. Ветеринария мутахассислари томонидан худуддаги 2 минг 446 бош йирик шохли мол, 3 минг 108 бош майда шохли мол оқсил касаллигига, 1 минг 554 бош йирик шохли мол, 1 минг 292 бош майда шохли мол куйдирги касаалликларига қарши профилактик эмланди. 

Шу билан бир қаторда ўта хавфли юқумли касалликлар тўғрисида аҳоли ўртасида тушунтириш ва тарғибот ишлари амалга оширилди.