Ilmiy va amaliy tajribalar natijalariga koʼra, sigirlar tuqqandan keyin bir oy vaqt oʼtgach qochirilsa, har 100 bosh sigirdan 110 boshgacha, ikki oylik vaqtida qochirilsa – 103 gagacha, 80 kunda 97 bosh, 100 kungacha qochirilganda – 91 ta, 120 kunda qochirilganda – 85 ta sogʼlom buzoq olish mumkin.
Sigirlarni 30 foizgacha kuyga kelish muddati 6 soatga toʼgʼri keladi, 22 foiz sigirlarni kuyga kelish davri kechki paytda, yaʼni soat 18 dan ertalab soat 6 gacha toʼgʼri keladi. Buzoq olishni koʼpaytirish uchun mutaxassis sigirlarni kuyga kelishini kunda 2-3 marotaba koʼzdan kechirishi maqsadga muvofiqdir. Аgar sigirlarning kuyga kelish holati kunda 1 marta kuzatilsa unda 40 %gacha sigirlarni kuyga kelish holati yoʼq boʼladi, demak yil yakunida har 100 bosh sigirdan 8-10 bosh buzoq olinmasligi qayd qilinadi.